📌NA DOTTO KWILASA
SERIKALI kupitia Wizara ya afya ,maendeleo ya
jamii,jinsia,wazee na Watoto kitengo cha huduma za kinga imesema itaendelea
kuboresha huduma za afya nchini ambapo
kwa mwaka 2020 imetoa jumla ya shilingi Bilioni 25 kwa ajili ya kuboresha
huduma za maji na miundombinu ya usafi wa mazingira huku vituo vya afya 893
vikinufaika.
Hatua hii imekuja huku Tanzania ikiwa inaazimisha siku ya
mazingira duniani(26/09/2020) yenye lengo la kuikumbusha jamii kulinda na
kuboresha afya na mazingira jambo ambalo ni muhimu katika kuzuia na kudhibiti
magonjwa ya kuambukiza .
Hayo yamebainishwa jana jijini hapa na Mkurugenzi wa huduma
za kinga Dk.Leonard Subi wakati akitoa taarifa kuhusu utekelezaji wa serikali
ya awamu ya tano katika eneo la usafi wa mazingira kwa kipindi cha mwaka 2015
hadi 2020.
Akifafanua,Dk.Subi alisema katika kipindi cha miaka mitano
vituo vya kutolea huduma za afya ambavyo vimeboresha huduma za maji na
miundombinu ya usafi wa mazingira ni 826 kati ya lengo la vituo 1,000 sawa na
asilimia 82.6.
Kwa upande wa shule za msingi Dk.Subi alisema,Serikali
imetoa jumla ya shilingi Bilioni 17.5 kwa ajili ya kuwezesha uboreshaji wa
huduma za maji ,vyoo na sehemu za kunawia mikono kwa wanafunzi ambapo kupitia
fedha hizo jumla ya shule 602 zimenufaika.
Jumla ya matundu 9712 ya vyoo bora yamejengwa kwa ajili ya
wanafunzi 446,155 kwa uwiano wa tundu 1 kwa wanafunzi wavulana 50 na wasichana
40 kwa kila tundu 1,pia sehemu ya haja ndogo kwa wavulana ,vyumba maalumu kwa
wasichana kujisitiri na matundu mawili kwa ya walemavu kwa kila shule.
Dk.Subi
Licha ya hayo alisema Serikali imejenga matundu 526 kwa ajili ya watumishi yaani walimu na wasio walimu huku upatikanaji wa maji safi ukiwa umeboreshwa katika shule hizo 602 na kila shule inapata huduma ya maji wakati wote.
“Fedha hizi pamoja na zile za vituo vya afya zimetolewa na
serikali kupitia mradi wa huduma endelevu za maji na usafi wa mazingira
”alifafanua Dk.Subi
Kwa upande wake Kaimu mkurugenzi msaidizi ,afya na mazingira
Anyitike Mwakitalima alisema mradi wa huduma za maji umetekelezwa katika maeneo
ya vijijini na mjini na kusema kuwa kwa
ujumla upatikanaji wa huduma za maji nchini umefikia asilimia 85 Disemba 2019
toka asilimia 70 mwaka 2015 kwa maeneo ya mijini na asilimia 70.1 kutoka asilimia
48 kwa maeneo ya vijijini.
Mwakitalima ambaye pia ni Mkuu wa sehemu ndogo ya maji
,chakula na usafi wa mazingira alieleza kuwa utekelezaji wa afua hizo mbili za
maji na usafi wa mazingira umesaidia katika kupambana na magonjwa ya kuambukiza
ambapo hakuna kisa chochote cha mgonjwa wa kipindupindu kuanzia Julai 2019 hadi
sasa.
Licha ya hayo alieleza kuwa ,katika kutekeleza mazingira
wezeshi ya kiutendaji serikali imepanga kuhakikisha angalau kila mkoa unapata
gari moja na kila Afisa afya aliye ngazi ya kata anakuwa na pikipiki .
Mwisho.
0 Comments