TIMU ya soka ya La Patrona Fc yenye makazi yake kata
ya Nkuhungu jijini Dodoma imeweza kukutanisha menejmenti ya timu pamoja na mashabiki
wake katika ukumbi wa La Patrona Lounge uliopo kata ya Nkuhungu Kanisani kwa
lengo la kujua makundi yaliyopangwa ya Ndodo Cup Clouds 2023 na timu yao
imeangukia mikononi wa timu gani
Katika hatua hiyo ya makundi inayotarajia kuanza tarehe
10 Septemba,2023 na kabumbumbu litasakatwa katika viwanja vya Shell Complex
Chamwino, Shule ya msingi Chan’gombe pamoja na dimba la Mtekelezo.
Akizungumza na CPC BLOG Afisa Habari wa timu ya La
Patrona Fc Siaba Kilo amesema amefurahishwa na uitikio mkubwa wa mashabiki
pamoja na vyombo vya habari katika tafrija fupi kwa malengo ya kuimarisha timu
yao ya La Patrona Fc.
Alisema licha ya changamoto zinazowakabili bado wapo
imara kuanzia katika bodi ya timu hadi wachezaji wao kwa lengo la kupambania
maendeleo na mwendendo mzuri wa timu, mashabiki pamoja na wadau wanaowazunguka.
Kama tunavyojua timu yoyote inatakiwa kuwa na viongozi na timu yetu inaundwa na viongozi kadhaa akiwemo mwenyekiti, mwenyekiti msaidizi wa timu, mtendaji mkuu wa timu C.EO, muweka hazina wa timu na viongozi wengine mbali mbali kwa lengo la kuifikisha timu kileleni.
Malengo yetu sio kuishia Clouds Ndondo Cup bali
malengo yetu ni mapana ikiwezekana kushiriki ligi ya mkoa, ligi daraja la tatu,
ligi daraja la pili, championship na Mungu akitusaidia tutafika hadi ligi kuu
kwa kutegemea nguvu na jitihada za viongozi.
Clouds Ndondo Cup 2024 tumekuja kivingine na kauli
mbiu ya msimu huu kwa timu yetu Lapatrona Fc na tukisema ‘Lapatrona Football
Club tunaitikia Burudani ziendelee’
Pia alisema nawashukuru sana wageni rasmi ambao ni
afisa habari Peter Nchimbi kutokea timu ya King Stone pamoja na Abdilahi
Selemani mtendaji mkuu wa Gwasa Fc kwa kuitikia wito wa mualiko kwani kufika
kwenu kunaonesha ni jinsi gani tunavyoboresha mshikamano ndani ya timu zetu”.
alisema Kilo.
Kwa upande wa muweka hazina wa timu ya Lapatrona Fc
Mbwana Hashim alisema anawahakikishia wanachama wa klabu kuwa atazitunza pesa
na kuhakikisha matumizi yote ya ndani na nje ya timu yatakuwa na manufaa ya
kujenga na sio kubomoa kwani tuna nia nzuri na timu yetu pia tunaipenda sana
kwa malengo ya kufikisha mbali.
Muweka hazina aliongezea kwa kusema safari hii wamefanya usajili ndani na nje ya mji wa Dodoma na katika bajeti yao watahakikisha kila mchezaji atalipwa kwa wakati na malipo hayo yataongezeka kadiri ya kiwango cha mchezaji kwa jitiada anazoonesha na kiwango bora, Pia ameweka hadharani bajeti yao ya kila mechi itakuwa sio chini ya milioni tatu.
0 Comments