BRELA YAENDESHA MAFUNZO YA MILIKI BUNIFU VYUO VIKUU, VYA KATI NA VYUO VYA UFUNDI.

 📌MWANDISHI WETU

WAKALA wa usajili wa Biashara na Leseni (BRELA) imeendelea kuendesha mafunzo  ya umiliki bunifu kwa vyuo na Taasisi za elimu ya juu ikiwemo vyuo vikuu, vyuo vya kati na vyuo vya  ufundi stadi  lengo likiwa ni  kutoa  elimu ya miliki bunifu.

Akizungumza leo Novemba 26,2024 mara baada ya kuendesha mafunzo katika chuo kikuu cha Dodoma (UDOM) Afisa usajili kutoka BRELA Stanslaus Kigosi amesema wameamua kufanya mafunzo hayo  kwenye vyuo kwa kuwa wanaamini  kwenye taasisi za elimu pamoja na vyuo vya ufundi ndipo kunapopatikana ubunifu wa kila namna, kwakuwa  ndipo walipo watafiti na wanafunzi wanaojifunza, na katika kujifunza  kwao wanaibuka na ubunifu wa namna mbalimbali.

Wakati mwingine wao hawatambui kuwa huo ni ubunifu na ni mali na unaweza kulindwa kwaajili ya kuwaingizia kipato kwa mtu mmoja mmoja na  taasisi zao ndio maana sisi leo tumeona tuendeshe mafunzo haya huku

Kigosi.

Nae Mhadhiri kutoka Taasisi za Taaluma na Maendeleo UDOM, Benta Matuka amesema kupitia mafunzo hayo wamejifunza mambo mbalimbali yanayohusu BRELA, na kwamba kwa kuwa  zamani hakuwa anafahamu taratibu za kufuata pindi mtu akiwa anataka kusajiri biashara yake.

Kingine nilichojifunza ni kwamba kumbe kusajili shughuli za kitafiti kusajili bidhaa ambazo zimezalishwa zina hatua mbalimbali lakini ni field mbalimbali, na mwanzoni nilikuwa sijui  kuhusu copyright  kitu gani kiende," elimu niliyoipata hapa itaniwezesha kuwafundisha masuala muhimu  namna ya kusajili idea zao walizo zivumbua.

Nae Mhitimu wa chuo kikuu cha Dodoma Jospeter Jonathan amesema alianza kujihusisha na bunifu hizo akiwa mwaka wa kwanza na kupitia mafunzo hayo amefahamu namna gani anaweza kusajili na kumiliki bunifu zake