📌NA HAMIDA RAMADHANI
MKUU wa Mkoa wa Dodoma
Dkt Binilith Mahenge kwa niaba ya Rais Dkt John Pombe
Magufuli amemkabidhi Meja Jenerali wa Jeshi la kujenga Taifa (JKT)
Charles Mbuge fedha za kitanzania Shilingi Milion 30 kutoka kwa wadau kwaajili
ya ujenzi wa Msikiti Wilayani Chamwino.
Fedha hizo
zilichangishwa siku ya jana katika Tamasha la Jumuiya ya maridhiano
liliofanyika katika uwanja wa jamhuri Jijini hapa.
Akikabidhi fedha hizo
kwa Meja Jenerali Mbuge katika ukumbi wa mikutano uliopo mkoani hapa,Dkt
Mahenge amesema wadau mbalimbali wameendelea kujitokeza kutoa michango
yao na wengine kutoa ahadi za kuchangia ujenzi wa msikiti kuko Wilayani
Chamwino.
Kwa upande wake
Mwenyekiti wa Jumuiya ya Maridhiano na Shekhe Mkuu wa Mkoa wa Dar es salaam
Alhadi Mussa Salum amesema Rais John Magufuli amefanya Jambo jema kwa wananchi
wake wa dini ya Kislamu.
Kwa niaba ya Mufti mkuu wa Tanzania Shekhe Abubakari bin Zuberi nimeongea na amekiri kwamba amefurahishwa na Rais Magufuli kuwatafutia wananchi wake nyumba ya Ibada na ameahidi kuja kutembelea
Alhadi Salum.
Na kuongeza kusema
" Tunamuombea Rais wetu awe na maisha marefu na wale wote wanaomuunga
mkono na kumsaidia Rais wetu," Amesema.
Akiongea baada ya
kukabidhiwa fedha hizo Meja Jenerali wa Jeshi la kujenga Taifa Charles Mbuge
amewapongeza viongozi wa dini kuwa na upendo na mashikamano ya pamoja.
Amesema hiyo yote
inatokana na Amani na utulivu tuliokuwa nao ndani ya Nchi yetu na ndio mana
tunasali tunatembea tukiwa na Amani.
Naomba tu niseme tunaelekea kipindi Cha uchaguzi tudumishe Amani na mshikamano na tuwe pamoja na tumalize uchaguzi salama bila ya machafuko
Meja Jenerali Mbuge.
Hata hivyo aliwataja
wadau waliochangia Ujenzi huo wa Msikiti ni pamoja na Azim Dewji Mwenyekiti
Kitosa Shia Ithna Shilingi Milion 10 keshi.
Abdul Zacharia,kutoka
Abdul Zacharia Al Naeem Enterprise LTD ametoa Milion 20 taslimu.
Na Shekhe Arif Nahd
Mwenyekiti Islamic Foundation ameahidi Shilingi Milion 10 na Jeshi la
kujenga Taifa kuahidi shilingi milion 5
0 Comments